Загатки плус (2/5)
Логички загатки наменети за пошироката публика. Бројот на жолти ѕвездички ја одредува тежината на загатката.
Расположени сте за уште загатки?
Посетете ја блог категоријата Загатки и хумор. *) Рубриката ја уредува: Ирена Стојковска
|
<
>
Две мајки седат на клупа во паркот и си разговараат. Едната ѝ вели на другата дека има три ќерки и дека производот на нивните години е 36, а збирот на нивните години е еднаков на бројот на куќата од спротивната страна на улицата. Другата мајка вели дека тоа не е доволно за да ги погоди годините на нејзините деца. На тоа првата мајка додава дека нејзината најстара ќерка има прекрасни сини очи. Другата мајка тогаш успева да ги погоди годините на децата. Дали и вие може да погодите по колку години има секоја од ќерките?
Објавена на Facebook: 19 јуни 2017, 5:58pm Мајката која треба да ги погодува годините на трите ќерки, знае дека производот на нивните години е 36, и знае колку изнесува збирот на нивите години (иако ние не го знеме), но тоа не и е доволно да ги погоди годините на ќерките. Тоа е затоа што постојат повеќе од едно разложувања на бројот 36 на три множители со збир на множителите едаков на бројот на куќата од спотивната страна на улицата. Така заклучуваме дека се работи за куќа со број 13, бидејќи две разложувања на бројот 36 на три множители имаат збир на множители еднаков на 13, тоа се 2, 2, 9 и 1, 6, 6. Кога мајката што погодува дознала дека најстарата ќерка има прекрасни сини очи, тоа и било доволно да ги погоди годините на ќерките, бидејќи дознала дека постои најстара ќерка, па ќерките не може да имаат години 1, 6, 6, бидејќи во тој случај нема да има најстара ќерка, затоа тие имаат 2, 2, 9 години.
<
>
Растојанието меѓу градовите А и Б е 1000 km. Во градот А има 3000 јаболка кои треба да се достават во градот Б. Возилото со кое се доставуваат јаболката може да пренесува најмногу 1000 јаболка. Но, возачот на возилото има една чудна навика: секогаш кога има јаболка во своето возило тој јаде по 1 јаболко на 1 километар. Која би била најдобрата стратегија за достава на јаболката со која би се пренеле најмногу јаболка од градот А во градот Б?
Објавена на Facebook: 16 јуни 2017, 9:40am Постои начин според кој возачот ќе успее да пренесе 833 јаболка од градот А во градот Б. Ова е планот: - Возачот ќе натовари 1000 јаболка од градот А и на 333 km оддалеченост од градот А ќе ги истовари сите јаболка кои останале неизедени (бидејќи по пат ќе изеде 333 јаболка), значи ќе истовари 667 јаболка. Оваа постапка возачот ќе ја повтори уште два пати, и така ќе има 2001 јаболко на 333 km оддалеченост од градот А. - Потоа возачот, кој се наоѓа на 333 km оддалеченост од градот А, ќе натовари 1000 јаболка, ќе вози 500 km, и ќе ги истовари неизедените 500 јаболка на 833 km оддалеченост од градот А. Оваа постапка ќе ја повтори уште еднаш и сега ќе има 1000 јаболка на 833 km оддалеченост од градот А, односно на 1000 – 833 = 167 km оддалеченост од градот Б. - Конечно, возачот кој се наоѓа на 167 km оддалеченост од градот Б ќе ги натовари сите 1000 јаболка и во градот Б ќе стигне со 833 јаболка. (Едно јаболко ќе му остане да стои покрај патот на 333 km оддалеченост од градот А.)
<
>
Кофата има приближно облик на цилиндар, па зголемувањето по ширина (во овој случај удвојување на ширината, односносно удвојувањето на дијаметарот на основата) резултира со 2 · 2 = 4 пати поголема основа. Па, кога ќе се земе во предвид и удвојувањето на висината, се добива дека поголемата кофа има 4 · 2 = 8 пати поголем волумен. Значи, ако малата кофа собира 1 литар вода, големата ќе собере 8 литри вода.
<
>
Александар црта фамилијарно дрво на своите предци.
Колку личности брои фамилијарното дрво на Александар?
Објавена на Facebook: 5 јуни 2017, 1:27pm Фамилирајното дрво на Александар има 1 + 2 + 4 + 8 + 16 + 32 = 63 личности. Имено, секој има по два директни предци (мајка и татко), па секое колено наназад бројот на личности во фамилијарното дрво се удвојува.
<
>
Објавена на Facebook: 24 мај 2017, 9:14am Оваа загатка има ПОВЕЌЕ точни одговори. Имено, да го означиме денешниот ден (денот кога наставничката ја дала изјавата) со X, а со Y денот кој би бил денешен ден, ако е исполнет условот на изјавата. Тогаш, Y = СРЕДА, а ние треба да го најдеме X. Па, во однос на перцепцијата на ВЧЕРА и УТРЕ може да настанат следните случаи: 1) Ако ВЧЕРА е во однос на X, а УТРЕ на Y, тогаш имаме дека УТРЕ е ЧЕТВРТОК (бидејќи Y = СРЕДА), ВЧЕРА е исто со УТРЕ, па значи ВЧЕРА е ЧЕТВРТОК, од каде X е ПЕТОК. 2) Ако ВЧЕРА е во однос на Y, а УТРЕ на X, тогаш имаме дека ВЧЕРА е ВТОРНИК (бидејќи Y = СРЕДА), ВЧЕРА е исто со УТРЕ, па значи УТРЕ е ВТОРНИК, па X е ПОНЕДЕЛНИК. 3) Ако ВЧЕРА и УТРЕ се во однос на Y (или во однос на X), тоа е можно само ако неделата има два дена, и во тој случај X = Y = СРЕДА.
<
>
Која плоштина е поголема, плоштината на сината површина или плоштината на розовата површина? Двата големи триаголника се складни.
Објавена на Facebook: 15 мај 2017, 10:15am Плоштината на сината површина е 6/9 од плоштината на триаголникот, а плоштината на розовата површина е 10/16 од плоштината на триаголникот. Двата големи триаголника се складни, па тоа што треба да направиме е да ги споредиме дропките 6/9 и 10/16. Бидејќи, 6/9 = 2/3 = 16/24 и 10/16 = 5/8 = 15/24, па од 16/24 > 15/24, имаме дека плоштината на сината површина е поголема од плоштината на розовата површина и тоа за 1/24 од плоштината на големиот триаголник.
<
>
Објавена на Facebook: 8 мај 2017, 3:43pm Ако излажало само едно од децата, тогаш или двете деца се девојчиња или двете се момчиња, што не е можно бидејќи на почетокот се вели дека биле едно момче и едно девојче. Значи, и двете деца излажале, па детето кое имало 7 години е девојче, а детето кое имало 8 години е момче.
<
>
Значи секој од пријателите платил по 140 денари, што е вкупно 280 денари. И 30 денари за келнерот, што е вкупно 310 денари. Од каде излегоа овие 10 денари, кога пријателите му дале на келнерот 300 денари?
Објавена на Facebook: 19 април 2017, 3:23pm Секој од пријателите дал по 150 денари, и на секој од нив им вратиле кусур по 10 денари, значи секој дал по 140 денари, па заедно дале 280 денари. Сметката чинела 250 денари, а бакшишот за келнерот чинел 30 денари, што е вкупно 250 + 30 = 280 денари. Значи, колку дале пријателите заедно, толку примиле ресторанот и келнерот заедно. Не е точно расудувањето да се собира изнсот кој го дале (280 денари) со износот кој келнерот го примил (30 денари).
<
>
Имате два сада со различен капацитет и неограничено количество вода. Како со помош на двата сада може да го измерите потребното количество вода?
Објавена на Facebook: 7 април 2017, 11:03am Некои од можните одговори: Ниво 1: Се бара да се измери 4 со садови од 5 и 3. (5,0)->(2,3)->(2,0)->(0,2)->(5,2)->(4,3) Ниво 2: Се бара да се измери 4 со садови од 8 и 5. (8,0)->(3,5)->(3,0)->(0,3)->(8,3)->(6,5)->(6,0)->(1,5)->(1,0)->(0,1)->(8,1)->(4,5) Ниво 3: Се бара да се измери 8 со садови од 11 и 6. (11,0)->(5,6)->(5,0)->(0,5)->(11,5)->(10,6)->(10,0)->(4,6)->(4,0)->(0,4)->(11,4)->(9,6)->(9,0)->(3,6)->(3,0)->(0,3)->(11,3)->(8,6) Ниво 4: Се бара да се измери 5 со садови од 11 и 7. (0,7)-> (7,0)->(7,7)->(11,3)-> (0,3)->(3,0)->(3,7)->(10,7)->(11,6)->(0,6)->(6,0)->(6,7)->(11,2)->(0,2)->(2,0)->(2,7)->(9,0)->(9,7)->(11,5) Ниво 5: Се бара да се измери 8 со садови од 11 и 9. (0,9)->(9,0)->(9,9)->(11,7)->(0,7)->(7,0)->(7,9)->(11,5)->(0,5)->(5,0)->(5,9)->(11,3)->(0,3)->(3,0)->(3,9)->(11,1)->(0,1)->(1,0)->(1,9)->(10,0)->(10,9)->(11,8) Ниво 6: Се бара да се измери 6 со садови од 12 и 11. (0,11)->(11,0)->(11,11)->(12,10)->(0,10)->(10,0)->(10,11)->(12,9)->(0,9)->(9,0)->(9,11)->(12,8)->(0,8)->(8,0)->(8,11)->(12,7)->(0,7)->(7,0)->(7,11)->(12,6)
<
>
|
Copyright © 2015 Математика +
|