Математички приказни - „Трите прасиња“ (одговори)
Одговори на задачите од математичката приказна „Трите прасиња“:
Задача 1. Прасињата вкупно тежеле 20 + 30 + 35 = 85 килограми. Мајката, која тежела 60 килограми, била потешка 60 - 20 = 40 килограми од првото прасе, 60 - 30 = 30 килограми од второто прасе и 60 - 35 = 25 килограми од третото прасе. Задача 2. Секое прасе направило 200 × 5 = 1000 чекори за да измине 200 метри од патот. Задача 3. Прозорот е во форма на квадрат, а вратата во форма на правоаголник. Модел на куќа може да се состави од квадар (коцка) и триаголна призма, поставени едно над друго, така што призмата да лежи на квадарот (коцката) со еден свој бочен ѕид; или пак од квадар (коцка) и пирамида поставена со својата основа над квадарот (коцката). Задача 4. Човекот му дал (80 : 2) + 2 = 40 + 2 = 42 гранки на прасето. Задача 5. Оградата била долга 4 × 225 = 900 cm = 9 m. Задача 6. Човекот бил повисок 200 - 85 = 115 cm = 1 m 15 cm од прасето. Задача 7. При пребројување на нозете се добива следната низа : 4, 8, 12, 16, 20, 24, 28. Задача 8. Волкот прави 200 × 2 = 400 чекори за да измине 200 метри, а прасето прави 200 × 5 = 1000 чекори за да измине 200 метри. Значи, волкот прави 1000 - 400 = 600 чекори помалку од прасето. Задача 9. Од 17 часот во понделник до 10 часот во среда, истата недела, има 2 × 24 - 7 = 48 - 7 = 41 час. Задача 10. Волкот не може да се исправи бидејќи 125 cm > 1 m. Задача 11. Од 17 часот во понделник до 17:30 часот во четврток, истата недела, има 3 × 24 часа + 30 мин. = 72 часа + 30 мин. = 72 часа 30 мин. Задача 12. Куќата е изградена од 6 × 50 + 78 = 300 + 78 = 378 цигли. Задача 13. За изградба на куќата употребени се 25 + 6 × 45 = 25 + 270 = 295 ќерамиди. Употребени се 378 - 295 = 83 цигли повеќе од ќерамиди. Задача 14. Четири и пол дена по 17 часот во понеделник е 5 часот во сабота, истата недела. Откако последниот пат волкот јадел изминале вкупно 4 × 24 + 12 = 96 + 12 = 108 часа. Задача 15. На нивата имало вкупно 1 + 2 + 3 + ... + 18 + 19 = 190 репки. Овој збир најлесно може да се пресмета со групирање на првиот и последниот собирок, потоа вториот и предпоследниот итн. при што постојано се добива ист збир 20. Такви збирови има 9, а бројот 10 ќе остане не групиран т.е. 1 + 2 + 3 + ... + 18 + 19 = (1 + 19) + (2 + 18) + ... + (9 + 11) + 10 = = 9 × 20 + 10 = 180 + 10 = 190. Задача 16. Прасето собрало 190 - 172 = 18 репки. Задача 17. Најмала безбедна висина за прасето е 125 + 25 + 30 + 1 = 181 cm (заокружено до најблискиот сантиметар). Задача 18. Прасето трчало 900 : 5 = 180 метри Задача 19. Прасето имало посадено 9 × 20 = 180 цвеќиња. Задача 20. Прасето потрошило 5 × 60 + 3 × 40 = 300 + 120 = 420 денари. Задача 21. Прасето го удрило волкот на 260 : 2 = 130 метри од куќата и на 130 метри од панаѓурот. Задача 22. Волкот може да се вози на количките 4 пати, затоа што 4 × 60 = 240 денари, а може да се лизга 6 пати затоа што 6 × 40 = 240 денари. Задача 23. 2/3 од 36 литри е (36 : 3) × 2 = 12 × 2 = 24 литри, а една половина од 36 литри е 36 : 2 = 18 литри, значи котелот се наполнил повеќе од половина. Потоа, 5/6 од 36 литри е (36 : 6) × 5 = 6 × 5 = 30 литри, па котелот се наполнил помалку од 5/6 од котелот. Задача 24. Ако од котелот се излеале 3/4 од водата, значи дека останале 1/4 од водата. Во котелот имало 24 литри, значи во котелот останале 1/4 од 24 литри, односно 24 : 4 = 6 литри вода. *) Со кликање на задачата може да пристапиш повторно кон страната со текстот на задачата. **) Превод на текст и автор на задачите: Елена Хаџиева |
Дополнителна активност: Раскажи ја приказната „Трите прасиња“ според сликите.
*) Илустрациите за приказната се превземени од http://homepages.uni-paderborn.de/odenbach/wwwmath/pigs/pigs.html.
Copyright © 2015 Математика +
|